गोरखा । नेत्र विक्रम चन्द (विप्लव) नेतृत्वको नेकपा गोरखाले नेकपा एमालेले झैं आफ्ना नेता कार्यकर्ता पक्राउ गराउने र पार्टीको सदस्यता लिने सर्तमा रिहा गराउने काम अहिले सरकारको नेतृत्व गरेको नेकपाले गरेको आरोप लगाइएको छ ।
आफ्ना नेता कार्यकर्तालाई पक्राउ गराउन नेपाल कम्युनिष्ट पार्टी नेकपाका जिल्ला नेता कार्यकर्ताले प्रहरी प्रशासनमा दबाब दिने गरेको पनि बताइएको छ । सोमबार जारी विज्ञप्ति हाम्रा पार्टीका नेता, कार्यकर्ता, शुभचिन्तक, समर्थकको घर खान्तलासी गर्ने, परिवारलाई त्रासमा राख्ने, सरकारका पार्टीका नेता कार्यकर्ताले सुराक र सूचना गरी गिरफ्तार गर्न प्रशासनलाई दबाव दिने गरेका छन्’। र अन्त्यमा जनयुद्ध कालमा एमाले पार्टीले झै गरी आफ्नो पार्टी प्रवेशको सर्तमा प्रशासनको ढोकामा साक्षी बस्ने जस्ता नाङ्गो कदम गोरखामा केही दिनदेखि देखिएको छ ।’
उक्त विज्ञप्तिमा जिल्ला इञ्चार्ज गोविन्द र जिल्ला सेक्रेटरी प्रतीकद्वारा हस्ताक्षर रहेको छ । केहीदिनअघि मात्रै नेकपाका प्रवक्ता नारायणकाजी श्रेष्ठले विप्लव नेतृत्वको पार्टीका युवा संगठनका जिल्ला संयोजक भोला भुजेलसहित पार्टीका जिल्ला समितिका तीनजनालाई एक समारोहका बीच पार्टी प्रवेश गराएका थिए ।
त्यस्तै एनसेल टावरमा आगजनी गरेको आरोपमा पक्राउ गरी सार्वजनिक हित विरुद्धको मुद्धा खेपिरहेका दीपक बोहोरालाई पार्टीमा निष्कृय रहेको भन्दै प्रहरीले रिहा गरेको थियो ।