तनहुँ । जिल्लाको भिमाद नगरपालिका–६ स्थित माझटार निवासी पाठेघरको क्यान्सरबाट ग्रसित पवित्रा नेपालीलाई न्यु होराइजन क्लब भिमादले आर्थिक सहयोग प्रदान गरेको छ ।
सहयोग रकम ग्रहण गर्दै नेपालीले सो सहयोगबाट आफू निकै खुशी रहेको बताइन् । आर्थिक अवस्था कमजोर रहेको उनले उपचार गर्नको लागि सबैसँग सहयोगको अपेक्षा गरेकी छन्
हिन्दुहरुको दोस्रो महान चाड तिहारको अवसरमा आयोजना गरेको देउसी भैलोबाट संकलित मध्य रु. १० हजार रुपैयाँ सहयोग गरेको क्लबले जनाएको छ ।
पछिल्लो समय देउसी भैलो कार्यक्रम आयोजना गर्ने र उक्त कार्यक्रमबाट संकलित रकम भ्रमण , वनभोज जस्ता कार्यमा मात्र खर्चिने गरेकाले युवा पुस्तालाई सामजिक कार्यमा अग्रसर हुन प्रेरित गर्नको लागी सहयोग गरेको कार्यक्रम संयोजक सुनिल श्रेष्ठले बताए ।
देउसी भैलोबाट संकलित रकम मनोरञ्जन सँगसँगै सामजिक कार्यमा संग्लन हुन उनले सुझाब दिएका छन् ।
