काठमाडौँ । किङ्गस इलाभेन पञ्जाबले आईपीएलमा मुम्बई इण्डियन्समाथि ८ विकेटको सहज जित हात पारेको छ । केएल राहुलसँगै शीर्ष क्रमको ब्याट्सम्यान चल्दा पञ्जाबले जित हात पारेको हो ।
मुम्बईले दिएको १७७ रनको लक्ष्य पञ्जाबले १८.४ ओभरमा २ विकेट गुमाएर भेट्टायो । उसको सुरुवात राम्रो रहृयो । पहिलो विकेटका लागि केएल राहुलले क्रिस गेलसँग ५३ रनको साझेदारी गरे । गेल ४० रनमा आउट भए ।
राहुलसँग ६४ रनको साझेदारी गरेका मयांक अग्रवाल व्यक्तिगत ४३ रनमा आउट भए । राहुलले डेभिड मिलरसँग मिलेर खेल जिताए । उनी ७१ रनमा अविजित रहे ।
यसअघि पहिले ब्याटिङ गरेको मुम्बईले २० ओभरमा ७ विकेट गुमाएर १७६ रन बनाएको थियो । उसको पनि सुरुवात राम्रो थियो । रोहित शर्मा र क्विन्टन डिककले पहिलो विकेटका लागि ५१ रनको साझेदारी गरे । शर्मा ३२ रनमा आउट भए ।
सूर्यकुमार यादव ११ रनमा आउट भए । डिकक ३९ बलमा ६० रन बनाएर आउट भए ।
हार्दिक पाण्डेयले ३१ रन बनाए पनि अरु ब्याट्सम्यानले राम्रो स्कोर बनाउन सकेनन् ।
