काठमाडौं । स्पेनिस ला लिगा फुटबलमा भ्यालेन्सियाले रियल मड्रिडलाई पराजित गरेको छ । बुधबार राति भ्यालेन्सियाको घरेलु मैदानमा भएको खेलमा भ्यालेन्सियाले रियल मड्रिडलाई २–१ ले पराजित गरेको हो ।
भ्यालेन्सियाको जितमा गोनकालो गुइडेस र इजिक्वेल गारेले गोल गरे । म्याड्रिडका करिम बेन्जेमाले एक गोल फर्काएका थिए ।
खेलको ३५ औं मिनेटमा गोनकालोको गोलबाट अग्रता लिएको भ्यालेन्सियाका लागिख ८३औं मिनेटमा गारेले अर्को गोल थप्दै दोस्रो गोल गरे । यो नै जितको दोस्रो निर्णायक गोल बन्यो ।
इन्ज्युरी समयको थप गरिएको तेस्रो मिनेटमा बेन्जेमाले गोल गरेपनि रियालको हार टार्न सकेन । जिदान प्रशिक्षकमा नियुक्त भएपछि रियलको यो पहिलो हार हो ।
हारसँगै रियालको ला लिगाको उपाधियात्रा निकै कमजोर बनेको छ । रियल शीर्षस्थानको बार्सिलोनाभन्दा १३ अंक तथा दोस्रो स्थानको एट्लेटिको मड्रिडभन्दा पाँच अंकले पछि छ । रियलको ३० खेलबाट ५७ अंक रहेको छ । भ्यालेन्सिया ४६ अंक जोड्दै पाँचौ स्थानमा उक्लिएको छ ।
