काठमाडौं । इंग्लिस प्रिमियर लिग फुटबलमा चेल्सी चौथो स्थानमा उक्लिएको छ । सोमबार राति भएको खेलमा बर्नलीसँग २–२ को बराबरी गर्दै चेल्सी चौथो स्थानमा उक्लिएको हो ।
चेल्सीका लागि एन्गोलो कान्टे र गोन्जालो हेगुइनले समान एक एक गोल गरे । बर्नलीलागि भने जेफ हेन्ड्रिक र एश्ली बार्नेस समान एक एक गोल गरे । खेलको ८ औं मिनेटमा जेफ हेन्ड्रिकले गरेका थिए।
त्यसपछि खेलको १२ औं मिनेटमा चेल्सीले बराबरी गोल फर्कायो। एन्गोलो कान्टेले सो बराबरी गोल फर्काएका थिए।बराबरी गोल फर्काएको चेल्सीका लागि गोन्जालो हेगुइनले १४ औं मिनेटमा गोल गर्दै २–१ को अग्रता कायम गरे।
चेल्सीको सो अग्रतालाई एश्ली बार्नेसले खेलको २४ औं मिनेटमा गोल गर्दै बराबरी गरे। त्यसपछि दुबै टोलीले गोल गर्न नसकेपछि खेल २–२ को बराबरीमा सकिएको थियो।
बराबरीको नतिजासँगै चौथो स्थानमा उक्लेको चेल्सीको ३५ खेलबाट ६७ अंक जोडेको छ। लिगको शीर्ष स्थानमा ८८ अंकसहित लिभरपुल रहेको छ।
