काठमाडौं । लिभरपुलले इंग्लिस प्रिमियर लिगमा हडर्ल्सफिल्ड टाउनमाथि ५–० को जित निकालेको छ । जितसँगै लिभरपुल पुनः लिगको शीर्षस्थानमा पुगेको छ ।
शुक्रबार राति भएको खेलमा लिभरपुलको जितमा साडिओ माने र मोहम्मद सालहले दुई–दुई तथा नेबी केइटाले एक गोल गरे । खेलको पहिलो मिनेटमा नै नेबी केइटाले गरेका थिए।
त्यस्तै खेलको २३ औँ मिनेटमा सार्डियो मानेल र ४५ औँ मिनेटमा मोहम्मद सालहले गोल गरेका थिए ।
पहिलो हाफ ३–० सकिएको खेलमा लिभरपुलका लागि चौथो र पाँचौ गोल खेल खेलको ६६ औं र ८३ औं मिनेटमा क्रमशः माने र सालहले गरेका थिए।
यस जितसँगै लिभरपुलले ३६ खेलबाट ९१ अंक जोडेको छ भने दोश्रो स्थानमा पुगेको म्यानचेस्टर सिटीले ३५ खेलबाट ८९ अंक रहेको छ।
