काठमाडौं । रगत चढाउँदा काठमाडौंबासी २१ वर्षीया एक किशोरी हेपाटाइटिस ‘सी’ संक्रमित भइन् । जन्मदै रक्तरोग थालेसिमिया लिएर जन्मेकी उनलाई सातामा एकपटक शरीरमा रगत चढाउनुपर्छ । उनी भन्छिन् ‘रगत नलिउँ भने मेरो ज्यानै जोखिममा पर्छ ।
रगत लिउँ भने केके रोग सर्छ भनेर सधैं डर लागिरहन्छ ।’ एक वर्षअघि रगत लिँदा रगतको माध्यमबाट हेपटाइटिस सरेको उनले बताइन् । उनले भनिन् ‘यसै पनि म जन्मदै कहिल्यै निको नहुने रोग लिएर जन्मिएँ । त्यही रोग उपचार गर्दा आर्को रोग पनि सर्यो ।’
शरीरबाट हेपाटाइटिसको भाइरल लोड हटाउने उपचारमै उनको २ देखि ३ लाख खर्च भइसक्यो । शरीरबाट हेपाटाइटिसको संक्रमण हटेपनि मानसिक रुपमा रोगको डर भने हट्न नसकेको सुनाउँदै उनी भन्छिन्, ‘थालेसिमियाले नै मेरो शरीर र मन धेरै कमजोर बनाइसक्यो छ । समाचार कान्तिपुर दैनिकले छापेको छ ।
