काठमाडौं । इन्डियन प्रिमियर लिग (आईपीएल) अन्तर्गत शनिबार भएको पहिलो खेलमा दिल्ली कैपिटल्सले राजस्थान रोयल्सलाई ५ विकेटले हराएपछि राजस्थान प्लेआफ अर्थात अन्तिम ४ बाट बाहिरिएको छ ।
दोस्रो खेलमा रोयल च्यालेन्जर्स बेंगलोरले घरेलु मैदान चिन्नास्वामी स्टेडियमा सनराइजर्स हैदरावादलाई ४ विकेटले पराजित गरेको छ । १ सय ७६ रनको विशाल लक्ष्य पाएको बेंगलोरले १९।२ ओभरमा ६ विकेट गुमाउँदै लक्ष्य पुरा गरेपछि जित हात पारेको हो ।
बेंगलोरका लागि युवा खेलाडी शिम्रन हिटमायरले ७५ रनको उत्कृष्ट योगदान गरे । उनी ४७ बलमा ४ चौका र ६ छक्का प्रहार गर्दै विजय शंकरबाट क्याच आउट भए । गुरकीरतसिंह मान र हिटमायरले १ सय ४४ रनको साझेदारी गरे । गुरकीरतसिंह ४८ बलमा ८ चौका र १ छक्का प्रहार गर्दै ६५ रनमा युसुफ पठानबाट क्याच आउट भए ।
कप्तान विराट कोहली ७ बलमा २ चौका र १ छक्का प्रहार गर्दै १६ रन बनाउँदै रिद्धीमान शाहबाट क्याचआउट भए । एवी डि भिलियर्सई १ रनमा मार्टिन गुप्टिलबाट क्याच आउट भए । हैदरावादका खलिल अहमद ३ र भुवनेश्वर कुमारले २ र राशिद खानले १ विकेट लिए ।
त्यसअघि हैदरावादले २० ओभरमा ७ विकेटको क्षतिमा १ सय ७५ रन बनाएको थियो । कप्तान केन विलियम्सन ७० रनमा अविजित रहे । सर्वाधिक रन बनाउने ओपनर डेविड वार्नर र जोनी बयरस्टो अष्ट्रेलिया फर्किएपछि हैदरावादान ठूलो समस्यामा छ ।
योसँगै हैदरावादको अघिल्लो चरण कठिन बनेको छ । आईतबार मुम्बईसँग कोलकता फराकिलो अन्तरले पराजित भए नेट रन रेटमा हैदरावाद र कोलकता मध्य एक टोली प्ले अफ पुग्ने छ । कोलकता विजयी भए हैदरावादको अघिल्लो चरण समाप्त हुने छ । चेन्नई,मुम्बई र दिल्ली प्ले अफमा पुगि सकेका छन् । बेंगलोरले १४ खेलमा ५ मा जितका साथ सातौं स्थानमा रहँदै यो संस्करणको आईपीएल अन्त्य गरेको छ ।
