डोटी । बाख्राको काँचो मासु खाँदा १६ जना बिरामी परेका छन् । बिरामी परेकामा बाल-बालिका र वृद्ध-वृद्धा रहेको बताइएको छ ।
शनिबार दिउँसो आदर्श गाउँपालिका १ मेलगडाका बाख्राको काँचो मासु खाने १६ जनामा समस्या आएको स्थानीयले बताए । बिरामीहरुको दिपायलस्थित शैलेश्वरी अस्पतालमा उपचार भइरहेको छ। अहिले उनीहरुको अवस्था सामान्य रहेको जनाइएको छ ।
डोटीका प्रहरी नायव उपरीक्षक लालबहादुर धामीका अनुसार १६ जना मध्ये सामान्य अवस्था रहेका मानी खड्का र उनका छोरा नारद र छोरी अनिसा खड्का स्थानीय मेडिकलमा सामान्य उपचारपछि घर फर्किएका छन् भने बाँकी १२ जनाको उपचार भइरहेको र आज बेलुकीसम्म उनीहरुको पनि डिस्चार्ज हुने अस्पतालले जानकारी दिएको छ ।