काठमाडौं । तामझामका साथ दुई पार्टी एकिकरण गरी बनेको समाजवादी पार्टी नेपाललाई झट्का लागेको छ । संघीय परिषदका अध्यक्षमा बाबुराम भट्टराईका सहपाटीले उनलाई धोका दिएका छन ।
तत्कालिन माओवादी केन्द्रबाट नयाँ शक्ति पार्टी गठन गर्दा देखिनै भट्टराईलाई साथ दिदै आएका नेता कार्यकर्ताहरु उपेन्द्र यादवसँग मिलेर समाजवादी पार्टी बनाएपछि धोका भएको भन्दै सत्तारुढ नेकपामै फर्किने तयारी स्रोतको दाबी छ ।
“केही नयाँ होला भनेर बाबुरामजीसँगै गयौं, तर सोचेजस्तो भएन ।” एक उच्च तहका नेताले भने, “फोरमको राजनीतिक लाइन नै मान्ने हो भने हामीले किन नेकपाबाट अलग हुनुपथ्र्यो ।
भट्टराईले एकल निर्णय गरेको पार्टी भित्र पार्टी एकताबारे पर्याप्त छलफल नगरेको समेत उनीहरुको आरोप छ । “हामीले त नयाँ बनाउने कुरा पो गरेका थियौं, अरु भन्दा भिन्न, कार्यशैलीदेखि विचारमा भिन्न मोडेल पार्टी बनाउने कुरा थियो । शक्ति कमजोर भयो भन्दैमा एकताको एकल निर्णय गर्नु ठीक होइन ।” उनले भने ।
