काठमाडौं। मानुषी छिल्लरले सन् २०१७ मा मिस इन्डियाको ताज जितेसँगै उनको बलिउडमा डेब्युको चर्चा चल्यो । मानुषीले कयौं पटक बलिउडका पर्फेक्ट अभिनेता आमिर खानसँग काम गर्ने इच्छा ब्यक्त गरिसकेकी छन् । तर समाचारमा आए अनुसार मिस इन्डिया मानुषी छिल्लरलाई आमिर खानसँग नभई सिल्भर स्क्रिनमा अर्का अभिनेता अक्षय कुमारको अपोजिटमा देखिन सक्नेछन् ।
मिडिया रिपोर्टका अनुसार मानुषी छिल्लर र अभिनेता अक्षय कुमार कृथ्वीराज चौहानको बायोपिकमा सँगै देखिने भएका छन् । यो फिल्मलाई यशराज फिल्मसले निर्माण गर्दैछ । सुत्रका अनुसार मानुषी छिल्लरले अक्षय कुमारको अपोजिटबाट बलिउडमा डेब्यु गर्न गइरहेकी छन् । मानुषीले पृथ्वीराज चौहानको बायोपिकको लागि साइन गरिसकेकी छन् ।
यस ऐतिहासिक ड्रामालाई चन्द्रप्रकाश द्विवेदीले निर्देशन गर्नेभएका छन् । मानुषीले फिल्ममा संयुक्त भूमिका निभाउनेछन् । उनले अक्षय कुमारसँग अनस्क्रिन रोमान्स गर्नेभएकी छन् । आदित्य चोपडालाई मानुषीको स्क्रिन प्रेजेन्टेशन राम्रो लाग्ने बताइएको छ ।
अहिलेको समयमा मानुषी बलिउड डेब्युमा ब्यस्त छन् । उनले एक्टिङ र डान्स वर्कसपमा पनि सहभागिता जनाईरहेकी छन् ।
