काठमाडौं । भारतीय सर्वोच्च अदालतका प्रधान न्यायाधीश रञ्जन गोगोईमाथि लागेको यौन उत्पीड़नको आरोपमा सफाई पाएका छन् ।
गोगईले सफाई पाएपछि दर्जनौं महिलाहरुले नयाँ दिल्लीस्थित सर्वोच्च अदालत बाहिर प्रर्दशन गरेका छन् । तीमध्ये करिव ५० जनालाई प्रहरीले नियन्त्रणमा लिएका छ ।
प्रधान न्यायाधीश गोगोईले आफूविरुद्ध अदालतका पूर्वकर्मचारीले लगाएको आरोप ‘अविश्वसनीय’ रहेको प्रतिक्रिया दिएका छन् । यस क्रममा प्रधान न्यायाधीश गोगोईले आफूमाथि लागेको आरोप आधारहीन रहेको र यसको पछाडी कुनै ठूलो शक्तिको हात हुन सक्ने प्रतिक्रिया दिएका छन् ।
यता, न्यायाधीशहरूको तीन सदस्यीय छानबिन समितिले पनि गोगोईमाथि लागेको आरोपहरूमा कुनै सत्यता नभएको ठहर गरेको छ छ ।
प्रधानन्यायाधीश गोगोइका एक पूर्वसहयोगीले अप्रिल १९ मा यौन दुव्र्यवहार गरेको आरोप लगाएकी थिइन् । र त्यसको जाँच गर्न सर्वोच्च अदालतका २२ जर्जहरुसँग माग गरेका थिए । त्यसपछि अदालतको फुलकोर्टले प्रधानन्यायाधीशपछिका वरिष्ठ न्यायाधीश शरद अरविन्द बोबडेको संयोजकत्वमा तीन न्यायाधीश सम्मिलित छानबिन समिति गठन गरिएको थियो ।
जसमा महिला न्यायाधीशद्वय इन्दिरा बनर्जी , इन्दु मल्होत्रा सहभागी थिए । भारतका प्रधानन्यायाधीश यौन दुव्र्यवहारको आरोपमा छानबिन समिति समक्ष उपस्थित भएको यो पहिलो घटना हो ।
महिलाले गोगोईले आफूमाथि यौन उत्पीडन गरेको, उनको प्रस्तावमा सहमत नभएपछि जागिरबाट हटाएको र आफ्नो परिवारलाई विभिन्न तरिकाले प्रताडित गरेको आरोपसमेत लगाएकी थिइन् ।