• १ असार २०८१, शनिबार
  •      Sat Jun 15 2024
  •   Unicode
Logo

हनुमानढोकामा चीर ठड्याएसँगै मुलुकभर होली पर्व सुरु (भिडियोसहित)



काठमाडौँ । वसन्तपुरस्थित हनुमानढोकामा चीर ठड्याइएको छ । चीर ठड्याएसँगै मुलुकभर होली पर्व शुरु भएको छ । हनुमानढोका दरबारको गद्दी बैठकको दक्षिणतर्फ बिहीबार बिहान ७ बजेर २७ मिनेटको शुभसाइतमा रङ्गीचङ्गी ध्वजापताकासहितको बाँसको तीन तले चीर ठड्याइएको हो ।

फाल्गुण शुक्ल अष्टमीमा चीर ठड्याएपछि होली पर्व शुरु भएको मानिन्छ । पूर्णिमाको रातमा टुँडिखेल पुर्याएर चीर दाहगरेपछि होली समाप्त हुन्छ। चीर ठड्याएको शुभसाइतमा हनुमानढोकाभित्र डाखचोक र मोहनकाली चोकमा मयलरुखको हाँगामा रङ्गीचङ्गी कपडाहरुको टुक्रासहित चीर गाडिन्छ ।

यस वर्षको होली पर्व पहाडमा चैत ३ गते र तराईमा चैत ४ गते मनाइँदैछ । सरकारले पहाडी भेगमा चैत ३ गते र तराई क्षेत्रमा चैत ४ गते होली पर्व मनाउन सार्वजनिक बिदा दिएको छ । होली पर्व फागु पूर्णिमाको दिन पर्दछ ।