काठमाडौं । नेपाल विद्युत् प्राधिकरणले महसुल नतिरी ट्रंक र डेडिकेटेड लाइन उपयोग गरिरहेका ग्राहकको बिजुली चोरीको आरोपमा मुद्दा चलाउने बताएका छन् ।
प्राधिकरणका कार्यकारी निर्देशक कुलमान घिसिङले २०७३ सालदेखि महसुल नतिरेका ग्राहकको लाइन काट्ने चेतावनी दिएका हुन्। उनका अनुसार हालसम्म करिब चार अर्ब ३० करोड रुपैयाँ उठ्न बाँकी छ । यखि उक्त रकम समयमै नतिरे बिजुली चोरीको आरोपमा मुद्दा चलाउने बताए ।
प्राधिकरणबाट एक सय ८४ वटा उद्योगले डेडिकेटेड र ट्रंक लाइन लिएका छन्। तीमध्ये ६७ उद्योगीले ‘विद्युत् महसुल संकलन विनियमावली २०७३’ अनुसार शुल्क नतिरेको घिसिङले बताए। विनियमावलीको दफा ५ अनुसार विद्युत् महसुल अन्य दस्तुर तथा सेवाशुल्क र बिलिङसम्बन्धी व्यवस्थामा प्राधिकरणको डेडिकेटेड र ट«ंक लाइनबाट विद्युत् सेवा लिने औद्योगिक, व्यापारिक, गैरव्यापारिक वर्गका ग्राहकले विद्युत् शक्ति खपत गरेबापत मासिक सेवा शुल्क, डिमान्ड शुल्क र इनर्जी शुल्क बुझाउनुपर्नेछ।
उद्योगीले २० घन्टा वा सोभन्दा बढी समय डेडिकेटेड फिडरसरह विद्युत् आपूर्ति लिएका थिए। लोडसेडिङको समयमा उपभोग गरेबापतको महसुल भुक्तानी नगरे क्षतिपूर्तिसहितको रकम लाग्नेछ।
