विराटनगर । प्रहरीले मोरङको धनपालथान गाउँपालिका–३ बतौनीबाट लागुऔषध खैरो हेरोइन सहित दुईजना भारतीय नागरिकलाई पक्राउ गरेको छ।
पक्राउ पर्नेमा गाडी चालक भारत कुसाकट्टा–१५ पाडरियाका २८ वर्षीय सन्तोश मण्डल र गाडीमा सवार २४ वर्षीय कमरुल खान रहेको प्रदेश १ प्रहरी कार्यालय विराटनगरका प्रवक्ता डीएसपी सिद्ध न्यौपाने बताए ।
डीएसपी न्यौपानेका अनुसार बिहीबार राति उत्तरबाट दक्षिणतर्फ जाँदै गरेको डी एल ७ सी एम ०१७६ नम्बरको स्कोरपिओ गाडीबाट १ सय २५ ग्राम खैरो हेरोइन बरामद भएको थियो।
उनीहरु विरुद्ध लागुऔषध ऐन अन्तर्गतको मुद्दा चलाउन शुक्रबार म्याद थप गरेर अनुसन्धान अघि बढाइएको प्रहरीले जनाएको छ ।