बुटवल । मध्यपहाडी लोकमार्ग अन्तर्गत बडिगाड गाउँपालिका वडा नं. ६, ठूलाबेंशीमा मोटरसाइकलले ठक्कर दिँदा एक बालक गम्भिर घाइते भएका छन् ।
घाइते हुनेमा सोही गाउँपालिका वडा नं.–६ घ्वाँगका १३ वर्षीय अमृत थापा रहेका छन् । थापालाई विपरित दिशाबाट आइरहेको जिपलाई साइड दिने क्रममा लु ३१ प ३६०९ नं. को मोटरसाइकलले ठक्कर दिएको स्थानिहरुले बताएका छन् ।
घाइतेको अवस्था गम्भिर भएकोले हेलिकप्टरमार्फत पोखरा पुर्याई मणिपाल अस्पतालमा उपचार सुरु भएको वडा अध्यक्ष मौसमकाजी क्षेत्रीले जानकारी दिएका छन् ।
मोटरसाइकल चालक बडिगाड गाउँपालिका ५ का शिखर गिरीलाई नियन्त्रणमा लिई अनुसन्धान भैरहेको खार प्रहरीचौकीले जानकारी दिएको छ ।
