काठमाडौं । जोनी बेयरस्ट्रोको शतकको मद्दतले तेस्रो एकदिवशीय क्रिकेट प्रतिस्पर्धामा इङल्यान्डले सानदार जित हात पारेको छ ।
मङ्गलबार भएको खेलमा विश्वकप क्रिकेटको आयोजक इङल्यान्डले पाकिस्तानलाई ६ विकेटले पराजित गरेको हो ।
इङल्यान्डका कप्तान इयोन मोर्गनले टस जिती पहिले बलिङ रोजेको थियो ।
पहिले ब्याटिङको निम्तो पाएको पाकिस्तानले नौ विकेटको क्षतिमा ३५८ रनको उच्च स्कोर खडा गरेको थियो । पाकिस्तानका लागि इमाम उल हकले व्यक्तिगत १५१ रनको योगदान गरेका थिए ।
यता इङल्यान्डका लागि बेयरस्ट्रोले व्यक्तिगत १२८ रन बनाएका थिए । यो जितसँगै पाँच खेलको यस शृङ्खलामा इङल्यान्ड २–० ले अघि छ ।
