काठमाडौं । फ्रेन्च लिगमा पेरिस सेन्ट जर्मेन (पीएसजी) ले डिजोनलाई ४–० गोलले पराजित गरेको छ ।
शनिबार राति भएको खेलमा रातो कार्ड खादैं प्रतिबन्धमा परेर मैदान फर्किएका एमबाप्पेले सानदार प्रदर्शन गरेका थिए । उनले दुई गोल गरेका थिए । यता एन्जल डि मारिया र इडिन्सन काभानीले भने एक एक गोल गरे ।
पीएसजीले तेस्रो मिनेटमै डि मारियाको गोलमा अग्रता लिएको थियो । काभानीले चौथो मिनेटमै दोस्रो गोल गरे ।
त्यसपछि एमबाप्पेले ३६औं र ५६औं मिनेटमा दुई गोल थपेका थिए ।
यसअघिनै लिग च्याम्पियन बनिसकेको पीएसजीले ३७ खेलबाट ९१ अंक बनाएको छ ।
डिजोन ३१ अंक सहित रेलिगेसनमा छ ।
