काठमाडौं । महानगरीय ट्राफिक प्रहरी महाशाखाले मोटरसाइकल तथा स्कुटरको पछाडि सिटमा चढ्नेले पनि अनिवार्य हेल्मेट लगाउनुपर्ने नियम ल्याउन लागेको छ।
दुइपांग्रे सवारी दुर्घटना पछाडी बसेको मान्छेको हेड इन्जुरीले धेरैको ज्यान गएको भन्दै त्यसलाई कम गर्न पछाडि बस्नेले पनि अनिवार्य हेल्मेट लगाउनु पर्ने नियम ल्याउन लागेको महानगरीय ट्राफिक प्रहरी महाशाखाका प्रमुख बसन्त पन्तले जानकारी दिए।
उनका अनुसार हेल्मेट साधारण नभई आइएसओ स्ट्याण्डर्डको हुने बताए । त्यसका लागि नेपाल गुणस्तर तथा नापतौल विभागले मापदण्ड तयार पारिसकेको उनले बताए ।
‘दुइपांग्रे सवारीमा चढ्ने दुवैजानाले हेल्मेट लगाउनु पर्ने यातायात व्यवस्था ऐनमा उल्लेख गरेका छौ। यातायात व्यवस्था ऐन २/३ महिनामा स्वीकृत र करिव ६ महिनामा यो कार्यान्वयनमा आउछ। पन्तले भने यता नेपाल गुणस्तर तथा नापतौल विभागले मापदण्ड तयार पारिसकेको छ त्यसैले अब यो नियम बनाउन लागिएको हो ।’
केही महिना अगाडि महानगरीय ट्राफिक प्रहरी कार्यालय, यातायात व्यवस्था विभाग, उपभोक्ता अधिकार मञ्च, उद्योग वाणिज्य सघं र विज्ञहरूको छलफलमा बाहिरी मेटेरियल के को हुने, केसिङ स्टक्चर कस्तो हुने, बाहिरको आवाज शून्य क्षमता कति हुने, लक लोड, भाइजरको क्वालिटी कस्तो हुनपर्ने भन्ने कुरा मापदण्डमा उल्लेख गरेको छ।
