काठमाडौँ । भारतको प्रमुख प्रतिपक्षी दल कङ्ग्रेसका अध्यक्ष राहुल गान्धीले आफ्नो पार्टी पराजित भएको स्वीकार गरेका छन्।
दिल्लीमा आयोजित एउटा पत्रकार सम्मेलनमा बोल्दै उनले सन् २००४ देखि जित्दै आएको उत्तर प्रदेशको एउटा निर्वाचन क्षेत्र अमेठीमा पनि आफ्नो हार स्वीकार गरेका छन्।
दशकौँदेखि गान्धी परिवारको वर्चस्व रहेको यो स्थानमा यसअघि सन् २०१४ को चुनावमा पनि स्मृतिलाइ राहुलले नै पराजित गरेका थिए । यो ठाउँ गान्धी परिवारको भावना जोडिएको ठाउँ पनि हो । तर केन्द्रको राजनीति गर्ने तर क्षेत्रको विकासमा खासै ध्यान नदिने गरेको आरोप गान्धी परिवारमाथि लाग्दै आएको थियो ।
