काठमाडौं । ७८ लाख रुपैयाँ घूस बुझाएको आरोपमा भ्रष्टाचार मुद्दा लागेका नेपाल इन्जिनियरिङ कलेजका पूर्वसञ्चालक लम्बोदर न्यौपाने धरौटी बुझाएर मंगलबार तारेखमा छुटेका छन्। न्यौपाने विशेष अदालतमा हाजिर हुन पुगेका थिए।
विशेष अदालतले उनीमाथि थुनछेक आदेश गर्दै घूस बुझाएको रकम बराबरको धरौटी मागेको थियो। अख्तियार दुरुपयोग अनुसन्धान आयोगमा बयान दिँदादिँदै एकाएक फरार भएका उनीमाथि आयुक्त राजनारायण पाठकलाई ७८ लाख रुपैयाँ घूस दिएको आरोप छ।
उनले कलेजको अनियमितता मिलाउन पाठकलाई घूस बुझाएका थिए। पछि एक व्यक्तिसँगको कुराकानीका क्रममा पाठकले न्यौपानेबाट घूस लिएको स्विकारेको भिडियो रेकर्ड सार्वजनिक भएपछि दुवै जना विवादमा तानिएका थिए। केही साताअघि अख्तियारका पूर्वआयुक्त पाठक विशेष अदालतमा उपस्थित भइसकेका थिए। यो समाचार आजको कान्तिपुर दैनिकमा प्रकाशित छ ।
