उत्तर प्रदेश विधानसभा चुनावको मतगणना जारी छ र अहिलेसम्मको मतगणनामा भारतीय जनता पार्टी (भाजपा) ठूलो जिततर्फ अघि बढिरहेको छ ।
निर्वाचन आयोगका अनुसार उत्तर प्रदेशमा भाजपा २४७ सिटमा र समाजवादी पार्टी १२२ सिटमा अगाडि छ । कांग्रेस र बहुजन समाजवादी पार्टी दुई–दुई सिटमा अगाडि छन् ।
अहिलेसम्मको अवस्था हेर्दा उत्तर प्रदेशमा भाजपाले ४२.०९ प्रतिशत मत प्राप्त गरेको छ। दोस्रो नम्बरमा समाजवादी पार्टीले ३१.७५ प्रतिशत मत ल्याएको छ । राष्ट्रिय लोकदल नौ सिटमा अगाडि छ । उसले हालसम्म तीन दशमलव ४३ प्रतिशत मत प्राप्त गरेको छ ।
बहुजन समाजवादी पार्टी (बसपा) दुई सीटमा अगाडि छ र उसको खातामा १२.६६ प्रतिशत मत छ। समाजवादी पार्टीले अहिलेसम्मको प्रवृत्तिमा मतको अन्तर एकदमै न्यून रहेको र त्यसलाई परिणामका रूपमा लिन नहुने बताएको छ ।
कांग्रेसको भोट पनि निकै कम छ । कांग्रेसले हालसम्म दुई दशमलव ४१ प्रतिशत मत प्राप्त गरेको छ ।
आम आदमी पार्टीका मुख्यमन्त्री पदका उम्मेदवार भगवन्त मान भन्छन्– पञ्जाबमा ठूलो जीत भएको छ
पञ्जाबमा आम आदमी पार्टी (आप) को ठूलो अग्रतापछि पार्टीका मुख्यमन्त्री पदका उम्मेद्वार भगवन्त मानले यो बेरोजगारी विरुद्ध जनादेश भएको बताए ।
उनले आपलाई भोट नदिनेलाई पनि स्वागत गरेको बताए । मानले आफू पञ्जाबको मुख्यमन्त्री बन्ने र आफ्नो सरकारले भोट हाल्ने र नदिनेबीच कुनै फरक नगर्ने बताए ।
उनले भने, “विपक्षी दलका नेताहरूले अरविन्द केजरीवाल र ममाथि व्यक्तिगत टिप्पणी गरे। गलत शब्दहरू प्रयोग गरियो। तिनीहरूलाई तिनीहरूको शब्दावलीका साथ आशीर्वाद दिनुहोस्। तिनीहरूलाई माफ गर्नुहोस्, तर अबदेखि सबैले पञ्जाबका साढे तीन करोड पञ्जाबीलाई सम्मान गर्नुपर्छ।”
“हामीले पञ्जाबलाई सँगै चलाउनु पर्छ, पहिले पञ्जाब ठूला ढोकाबाट घरबाट दौडिन्थ्यो, तर आज पञ्जाब गाउँबाट दौडन्छ, वार्डबाट दौडन्छ, शहरबाट दौडन्छ”, उनले भने ।
पञ्जाब विधानसभा चुनावको नतिजामा आप बहुमतको आँकडाभन्दा अगाडि पुगेको छ ।
उत्तराखण्डमा ठूलो जीतको बाटोमा भाजपा ४७ सिटमा अगाडि
७० सिट भएको उत्तराखण्ड विधानसभा चुनावको नतिजामा भाजपा ४७ सिटमा अगाडि छ ।
निर्वाचन आयोगको पछिल्लो तथ्याङ्कअनुसार कांग्रेसले १८ सिटमा अग्रता लिएको छ । बसपा २ र स्वतन्त्र उम्मेदवार २ सिटमा अगाडि छन्।
त्यस्तै ४० सिट भएको गोवा विधानसभामा भाजपा १९ सिट र कांग्रेस ११ सिटमा अगाडि छन् । ६० सिट भएको मणिपुर विधानसभामा भाजपा २१ सिटमा अगाडि छ ।
भोट शेयरको कुरा गर्ने हो भने अहिलेसम्मको ट्रेन्डअनुसार भाजपाले झन्डै ४४ प्रतिशत मत ल्याउन सक्छ । करिब ३९ प्रतिशत मत कांग्रेसमा जान सक्छ ।
यसबाहेक बसपाको खातामा करिब ५ प्रतिशत र आम आदमी पार्टीको खातामा करिब ३.५ प्रतिशत जाने अनुमान गरिएको छ । बिबिसी हिन्दीको सहयोगमा
