बलिउडका दबंग स्टार भनेर चिनिने सलमान खानमाथि मुद्दा दर्ता गरिएको छ । भारतीय संचार माध्यम एएनआईले ट्वीट गरेर यसबारे जानकारी दिएको हो । उसको अनुसार सलमान खानविरुद्ध पत्रकार अशोक पाण्डेयले आपराधिक मुद्दा दर्ता गराएका हुन् ।
पत्रकार अशोक पाण्डेयले उनीविरुद्ध लुटपाट, हिंसा, आपराधिक गतिविधि र धम्काएको आरोप लगाएका छन् । उनले सलमान खानले साइकल चलाइरहेको देखेपछि भिडियो बनाउने कोसिस गरेपछि जुन घटना भयो, त्यसमा आपत्ति जनाउँदै मुद्दा दर्ता गरेका हुन् ।
पाण्डेयले अंधेरीको अतिरिक्त मुख्य मेट्रोपोलिटन मेजिस्ट्रेट आर खानको अदालतमा चोट पुर्याएको, लुटपाट र आपराधिक धम्की दिएको भन्दै मुद्दा दर्ता गरेका छन् ।
ऊजुरीको आधारमा कथित घटना अप्रिल २४ तारिख बिहानको हो । जब सलमान खान साइकल चलाइरहेका थिए र उनका दुई अंगरक्षक उनीसँगै थिए । पाण्डेयका अनुसार उनी कारमा यात्रा गरिरहेका थिए र अभिनेतालाई देखेपछि उनको भिडियो बनाउन उनका अंगरक्षकसँग सहमती लिएका थिए । यद्यपि, सलमान खान त्यसपछि रिसाए जसका कारण उनका बडिगार्ड उनको कारतर्फ बढेर उनलाई कुटपिट गर्न थाले ।
सलमानले उनीमाथि कुटपिट गरेको र उनको मोबाइल खोसेको पाण्डेयको आरोप छ । पुलिसले उनको उजुरी नलेखेपछि आफू यसका लागि अदालत नै जानु परेको उनले बताए । उक्त आवेदनमा १२ जुलाईमा सुनुवाई हुनेछ ।
