अनुहारमा भएको अनावश्यक फोहोर ,दाग र रिंकल हटाउन फेसियल गर्ने गरिन्छ । प्रकृया मिलाएर फेसियल गरिएन भने त्यसले अनुहारमा थप समस्याहरु आउन सक्छन् । समय मिलेसम्म तोकिएको समयमा फेसियल गर्नुपर्छ । फेसियल अनुहार चम्काउन र सुन्दर देखाउन निकै राम्रो विकल्प मानिन्छ । फेसियल भनेको स्किन मेन्टेन गर्नु हो। रिंकल कन्ट्रोल, दाग कन्ट्रोल गर्न अपनाइने प्रक्रिया हो।
फेसियलले फोस्रो अनुहार आकर्षण देखिनुको साथै हामीलाई कम उमेरको देखिनमा मद्दत पुर्याउछ । फेसियल गर्दा अनुहारको सफाई भित्रै देखि हुन्छ मसाज गर्दा रक्त संचार सहि रुपमा हुन्छ यो अनुहारको छालाको लागि अतिनै राम्रो हो ।
फेसियलले अनुहारमा थप चमक ल्याउछ, अनुहारको सुक्खापनलाई हटाइ छालामा चमक ल्याउछ, चाउरीपन हुन दिदैनअनुहारमा हुने अनावश्यक दाग,कोठीहरु ब्ल्याकहेड, हवाइटहेड हटाउन सहयोग पुग्छ ।
क्लिन्जिङः अनुहारमा छालाको प्रकार तथा समस्या अनुसार बजारमा उपलब्ध उच्च गुणस्तर युक्त प्रसाधनको प्रयोग गरी छालालाई सफा गर्नुपर्छ ।
एक्फलोटिङः नर्मल, ड्राई, आयली स्किनमा स्क्रब गरी डेड सेल्स निकाल्ने । यसरी ब्ल्याक हेड्स खुकुलो बनाइन्छ ।
मसाजिङः छालाको प्रकार तथा समस्या अनुसार अनुहारको प्रेयर पोइन्ट्स समेटेर अनुहारमा मसाज गर्नुपर्छ । यो प्रक्रिया १५ मिनेट देखि २५ मिनेट सम्म गर्न सकिन्छ ।
स्टिमः छालाको प्रकार हेरी स्टिम दिनुपर्छ । स्टिमबाट ‘ ब्ल्याक हेड्स निकाल्न सकिन्छ । फेसमा स्टिम इनडाइरेक्ट दिनुपर्छ । बेकिङ सोडामा टावेल भिजाएर अनुहारमा राखेर दिनपर्छ ।
रिमुमिङ ब्ल्याक हेड्सः अनुहारमा ब्ल्याक हेड्स भए स्टेरलाइज्ड कोमोडनको सहायताले हल्का प्रेसर दिई निकाल्नुपर्छ ।
टोनरको प्रयोगः म्पिलयुक्त अनुहारमा एस्ट्रिमाइज प्रयोग गर्नु उपयुक्त हुन्छ । आयली कम्बिनेसन स्किनमा केही मात्र अल्कोहल युक्त टोनरको प्रयाग गर्नुपर्छ । ड्राई तथा नर्मल स्किनमा अल्कोहलरहित टानर प्रयोग गर्नु उत्तर हुन्छ ।
फेसप्याकः फेसियलमा फेसप्याक महत्वपूर्ण विधि हो । यो प्रक्रियाले अनुहारमा छुट्टै अचम प्रदान गर्द । अनुहारको छालाको प्रकार तथा समस्या अनुसार फेसप्याक लेप अथावा मास्य प्रयोग गर्नुपर्छ ।
मस्वराइजिङः अनुहारको छालाको प्रकारअनुसार मस्चराइजिङ अथवा प्रोटेक्टिभ कस्मोटिक्स प्रयोग गर्नुपर्छ । यस्तो कस्मेटिक्स डे र नाइटका लागि फरक–फरक हुन्छ । एसपिएफ युक्त र एसपिएफ रहित पनि पाइन्छ ।
फेसियल गर्न बजारमा पाइने जुनसुकै प्रसाधन प्रयोग गर्नु हुँदैन । राम्रो र गुणस्तरीय ब्रान्ड मात्र छनोट गर्नुपर्छ । संवेदनशील छाला वा पिम्पलले बढी संक्रमण गरेको छालामा स्क्रबको प्रयोग गर्नु हुँदैन ।अनुहारमा २५ मिनेटभन्दा बढी मसाज गर्नु हुँदैन ।
