काठमाडौं । सञ्चार तथा सूचना प्रविधिमन्त्री गोकुल बास्कोटाले
नेत्रविक्रम चन्द (विप्लव) ले हिंसा छाडेर आएमात्रै वार्ता गरिने दोहोर्याएका छन्।
मन्त्रिपरिषद् बैठकका निर्णय सार्वजनिक गर्ने नियमित पत्रकार सम्मेलनमा बिहीबार मन्त्री बाँस्कोटाले हिंसाको राजनीति त्यागेर आए जुनसुकै बेला आपूmहरु वार्ताका लागि तयार रहेको बताए । उनले
हिंसा छोडियो, संबिधान मानियो र प्रतिस्पर्धामा आए वार्ता एकै मिनेटमा टुङगिने बताए ।
वार्ता गर्न सरकार सधैं तयार रहे पनि कुनै दाउपेच, शक्ति सञ्चयका लागि वार्ता नगरिने बताएका उनले भने- ‘विप्लवले के–के एजेन्डामा वार्ता गर्न चाहेको हो पहिले त्यो स्पष्ट हुनुपर्छ ।’
पक्राउ परेका मान्छे छाडेर वा मुद्दा फिर्ता लिएर वार्ता गर्ने पक्षमा सरकार नरहेको उनको भनाइ छ। हामीले पक्राउ परेका मान्छे छाडुम्ला तर ड्याङ्ग बम पड्काइदेला यसको जिम्मा कसले लिन्छ? उनले प्रश्न गरे ।
‘पहिले मान्छे छोड्नुपर्ने। मुद्दा फिर्ता गर्नुपर्ने?,’ उनले प्रश्न गरे, ‘०५२ सालदेखि ०६२ सम्म के–के भयो? के त्यसैको पुनरावृत्ति गर्ने?’
अनौपचारिक वार्ता चलिराखे पनि औपचारिक रूपमा वार्ता गर्न पहिले हिंसा छाड्नुपर्ने उनको भनाइ छ।
‘प्रचारको लाभ लिन, दुनियाँलाई भुलभुलियामा पार्न। हिंसा गर्ने समूहले सरकारसँग वार्ता गर्ने भनेको हिंसालाई वैद्यता प्रदान गर्नेजस्तो हुन जान्छ कि जाँदैनरु,’ उनले प्रश्न गरे, ‘के का लागि किन कसरी ल्याण्डिङ गर्ने हो भन्ने प्रष्ट हुनुपर्यो।’राष्ट्रले थेग्न सक्ने मागमा मात्रै वार्ता हुने उनले बताए।
