काठमाडौं । स्पेनिस ला लिगा च्याम्पियन बार्सिलोना प्रि–सिजन अन्तर्गत क्लब मैत्रीपूर्ण खेल आज (मंगलबार) साँझ प्रिमियर लिग क्लब चेल्सीसँग प्रतिस्पर्धा गर्दैछ ।
बार्सिलोना र चेल्सीबीचको खेल नेपाली समयअनुसार अपरान्ह ४ः१५ मा सुरु हुनेछ । बार्सिलोनाले आज हुने खेलमा भर्खरै कल्ब भित्रिएको खेलाडीहरुलाई डेब्यू गराउने अनुमान गरिएको छ ।
आज हुने खेलको बार्सिलोनो सुरुवाति ११ घोषण गरिसकेको छ । जसमा ला लिगाको प्रतिद्वन्द्वी क्लब एट्लेटिको म्याड्रिडबाट १२० मिलियन युरोमा (१४ अर्ब ७८ करोड रुपैयाँ) कल्बमा भित्रिएका एन्टोनी ग्रिजम्यान टिममा परेका छन् ।
यता जनवरीमा ७५ मिलियन युुरोमा बार्सिलोनामा आए नेदरल्यान्डका २२ वर्षीय खेलाडी मिडफिल्डर डी जोङ भने सुरुवाति ११मा पर्न सकेनन् । त्यस्तै लुइस स्वारेज र फिलिपे कौन्टिन्हो बिदामा हुँदा कोलाडो र उम्मटीले आफ्नो स्थान पक्का गरे ।
बार्सिलोनाका कप्तान लियोनल मेस्सीले आजको खेलमा हुने छैनन् ।
प्रिसिजनअघि पाँच खेल खेल्न लागेको बार्सिलोनाले जुलाई २७ मा जापानकै भिसाल कोबे क्लबसँग खेल्नेछ ।
मेस्सी अगस्ट ४ तारिख आर्सनलविरुद्धको खेलमा उपस्थित हुने बार्सिलोनाले जनाएको छ । बार्सिलोनाले अगस्ट ७ र १० मा नापोलीसँग पनि दुई खेल खेल्दैछ । स्पेनिस ला लिगामा भने बार्सिलोनाले अगस्ट १६ तारिखमा एथ्लेटिक बिल्बाओसँग खेल्दै सन् २०१९–२०२० सिजनको सुरुवात गर्नेछ ।
