बुटवल । नेपालमा भारती एसएसबिको ज्यादती बढ्दै गएको छ । भारतले रूपन्देही जिल्लास्थित दुई देशकाबीचमा रहने दशगजा क्षेत्र अतिक्रमण गरी प्रहरी चौकी निर्माण गरेको हो ।
भारतले दशगजा क्षेत्रमा प्रहरी चौकी नै निर्माण गरेपछि जमिनको स्वामित्व सम्बन्धी विवाद सिर्जना भएको छ । नेपालको सडक विस्तारका क्रममा केही सरकारी कार्यालय भत्काउने क्रममा भारतले दशगजामा नै संरचना निर्माण गरेको पाइएको हो ।
स्थानियवासीले सीमा मिचिएको बारेमा प्रतिनिधि सभा सदस्य घनश्याम भुसाललाई जानकारी पाएपछि बिहीबार दशगजा क्षेत्रको निरीक्षण गर्न पुगेका थिए ।
सांसद भुसालकै पहलमा दशगजा मिचिदा जिल्लास्थित नापी कार्यालय, जिल्ला प्रशासन र सीमा सुरक्षा गणका प्रतिनिधिको रोहबरमा नेपालको छुटेको जमिनको नापजाँच गरिएको छ ।
