काठमाडौं । सरकारले सैनिक पोशाक बजारमा बिक्री बितरणमा कडाई गरेको छ।
नेपाली सेनाले मात्रै प्रयोग गर्ने क्यामोफ्लाइज कपडा सर्वसाधारणले प्रयोग गर्ने गरेको, वन तथा वातावरण मन्त्रालय अन्तर्गत वन रक्षक तथा निजी सुरक्षा गार्डहरुले पनि प्रयोग गर्ने गरेको भन्दै त्यसप्रति रोक लगाइएको मन्त्रालयद्वारा जारी सूचनामा जनाइएको छ।
मन्त्रालयद्वारा जारी सूचनामा सैनिक पोशाक आपराधिक प्रवृतिका मानिसहरुले दुरुपयोग गर्ने गरेको समेत जनाइएको छ ।
नेपाली सेनाको आग्रहमा सैनिक बाहेन अन्य ब्यक्तिहरुले सो पोशाक प्रयोग गर्न नपाउने ब्यवस्था मिलाउन सरकारले जिल्ला प्रशासक कार्यालयहरुलाई निर्देशन पनि दिएको छ।