काठमाडौं । बाफिकोट गाउँपालिका वडा नम्बर–६, मग्मा दलित समुदायमा बस्ने मुटु रोग पीडितलाई नेपाल विद्यार्थी संघले रकम हस्तान्तरण गरेको छ ।
आर्थिक अबस्था अत्यन्तै नाजुक भएका वादी कामिलाई अमेरिकामा बस्ने नेपालीहरुले पठाएको तीन लाख अठहत्तर हजार तीन सय चौहत्तर रुपैयाँ नेविसंघका पुर्व उपाध्यक्ष ऋषिकेश शाह सहितको टोलीले आज हस्तान्तरण गरेका हुन् ।
गंगालाल हस्पिटलमा भर्ना भएका बिरामी कामिलाई भेट्न नेविसंघका पुर्व उपाध्यक्ष शाहसहित नेता हरिचन्द्र खनाल र आरआर क्याम्पसका इकाई सचिव अनुराग शाहको टोलि पुगेको थियो ।
अमेरिकामा बिरामी कामिकालागि रुकुम पश्चिमका युवाहरू बिर्ख बहादुर खत्री,हरि बहादुर खत्री,कमला खत्री,पारस खड्का ,मन बहादुर कुसारी,गोबिन्द कुसारी,गोर्ख बहादुर कुसारी,बिजय दर्पन चन्द,मोहन कुसारि, हेमराज खनाल ,गणेश कुसारी,किशोर कुसारि लगायत २० जनाको समूहले रकम जम्मा गरेका थिए ।
अमेरिकामा रकम उठाउने समुहको नेतृत्व बिर्ख खत्रीले गरेका थिए।
