परिक्षेद सेनको निर्देशनमा फिल्म ‘म’ बन्ने भएको छ । ‘म’ लाई लामो समयदेखि फिल्म अध्ययन गराउँदै आएको कान्तिपुर फिल्म एकेडेमीले निर्माण गर्न लागेको हो । सोमबार राजधानीमा एक कार्यक्रमका बीच फिल्म निर्माण घोषणा भएको छ ।
चलचित्रमा विजय लामा, सरिता लामिछाने, रेवती क्षेत्री, अनिल कँडेल, सन्जोग रसाइली, कुसुम गुरुङ, रेविका गुरुङको मुख्य भूमिका रहनेछ ।
भदौ पहिलो साताबाट छायाँकनमा जाने बताइएको फिल्मको कथा कान्तिपुर फिल्म एकेडेमीका सिइओ प्रकाश पुरीले तयार पारेका हुन् । चलचित्रका निर्देशकदेखि मुख्य कलाकारसम्म कान्तिपुर फिल्म एकेडेमीमै अध्यन गरेका विद्यार्थी हुन् ।
म’ मा जितेन लेप्चाको गीत रचना रहनेछ । फिल्ममा कवितामाथि पनि संगीत भरिने कार्यक्रममा जानकारी दिइयो । बरिष्ठ सञ्चारकर्मी तथा निर्देशक भुषण दाहालले कवितामा आफ्नो आवाज भर्नेछन् भने संगीत किरण भुषालले दिनेछन् ।
