काठमाडौं । संघीय मामिला तथा सामान्य प्रशासनमन्त्री लालबाबु पण्डितले चाकडी चाप्लुसीबाट कर्मचारीको मूल्यांकन हुने दिन गएको बताएका छन्। सचिव यादव कोइरालासँग कार्य सम्पादन सम्झौता गर्दै मन्त्री पण्डितले विकास निर्माण र सेवा प्रवाहमा जनता गरेको अनुभूतिका आधारमा कर्मचारीको मूल्यांकन हुने बताए।
‘काम भने हर्ने लायक हुँदैन, उसले सयका सय नम्बर पाउँछ,’ उनले भने, ‘कागजमा सब ठिक छ तर काम भने केही भएकै हुँदैन।’
उनले अब फलानाले नम्बर काटियो भन्ने गुनासोको अत्यन्त हुने उनको दाबी छ। उनले कामको मूल्यांकनको आधारमा दण्ड र सजायको व्यवस्था हुने बताए। उनले समय सीमा भित्र तोकिएको काम पूरा गर्नुपर्ने पनि बताए।
उनले विकास निर्माणमा व्यक्तिगत विषय जोडिएमा कडा कारबाही हुने बताए। सचिव यादव कोइरालाले सुशासन, पूर्वाधार निर्माण र पालिका भवन निर्माणले यो वर्ष प्राथमिकतामा राखेको बताए। उनले सहसचिव, उपसचिव, शाखा अधिकृतसँग कार्यसम्पादन सम्झौता गरिने बताए।
