बलिउड नायक आयुष्मान खुराना अहिले निकै चर्चामा रहेका छन् कारण उनको चलचित्र ‘ड्रिम गर्ल’ । उनको यो चलचित्र निकै फरक भुमीकामा निर्माण भएको उनी बताउछन् । उनले भने,‘जब म चलचित्रको स्क्रिप्ट सुनिरहेको थिएँ, त्यो बेला म निकै हाँसिरहेको थिएँ । चलचित्रको विषयबस्तु नै फरक र मैले गर्नुपर्ने भूमिका पनि सोही अनुसारको भएकाले म हाँसिरहेको थिएँ ।’
आयुष्मानले यस किसिमको भूमिका आजसम्म बलिउड चलचित्रमा नभएको पनि दाबी गरेका छन् । उनले भने,‘यस्तो भूमिका कोही पनि मुलधारका नायकहरुले गरेका छैनन् । उनीहरुले नचाहेर नगरेका हुन् या किन, मलाई थाहा छैनँ । तर, मलाई यो क्यारेक्टर फरक भएकै कारण काम गर्ने इच्छा पलाएको हो ।’
राज शान्दिल्याको निर्देशनमा तयार भएको यो चलचित्रमा नुश्रात भर्चा, अन्नु कपुर लगायतको मुख्य भूमिका रहेको छ । चलचित्रलाई शोभा कपुर र एकता कपुरले निर्माण गरेका हुन् ।
