काठमाडौं । साफ यु–१५ च्याम्पियनसिपको पहिलो खेलमा नेपालमाथि भारतले फराकिलो जित निकालेको छ।
कोलकाताको कल्याणीमा भएको खेलमा नेपाललाई भारतले ५–० गोलले पराजित गरेको हो। भातका लागि महेसन, शुभ पाउल,अनिश मजुम्दार,टाइसन सिंह र सिद्धार्थले समान एक एक गोल गरे ।
खेलको पाँचौ मिनेटमा महेसनले गोल गरेर भारतलाई सुरुवाती अग्रता दिलाए। २४ मिनेटमा महेसनको पासमा पाउलले भारतको अग्रता दोब्बर पारे। ४३ मिनेटमा भारतीय कप्तान अनिश मजुम्दारले टिमका लागि तेस्रो गोल गर्दै अग्रता ३–० बनाए ।
पहिलो हाफ ३–० ले पछाडी परेको नेपालले दोस्रो हाफमा थप दुई गोल खायो ।खेलको ४९ औं मिनेटमा टाइसन सिंहले चौथो गोल गरे । सिद्धार्थले ५६ मिनेटमा गोल गर्दा नेपाल ५–० ले पछाडी पर्यो ।
अब नेपालले शुक्रबार श्रीलंकासँग खेल्नेछ। यस्तै नेपालले बंगलादेशसँग अगस्ट २७ र भुटानसँग अगस्ट २९ सँग प्रतिस्पर्धा गर्नेछ।समूहका शीर्ष २ टिमबीच आगामी अगस्ट ३१ उपाधिका लागि भिडन्त हुनेछ।
