काठमाडौं । नेपाल–भारत संयुक्त आयोगको पाँचौ बैठक बुधबारबाट काठमाडौंंमा सुरु भएको छ । बुधबार र बिहीबार होटल याक एण्ड यतीमा चल्ने बैठकमा भाग लिनको लागि भारतीय विदेशमन्त्री एस जयशंकर पनि काठमाडौं आइसकेका छन् ।
परराष्ट्र मन्त्रालयका अनुसार बैठकमा मुख्य ५ वटा एजेन्डा रहेको छ । राजनैतिक,सुरक्षा र सीमा, कनेक्टिभिटी र आर्थिक सहयोग, ब्यापार तथा पारवहन, उर्जा तथा जलस्रोत र शिक्षा तथा संस्कृति सम्बन्धि विषयमा छलफल हुनेछ ।
यसका साथै दुई देशका सरकार प्रमुखले संयुक्त रुपमा प्रतिबद्धता जनाएका विभिन्न आयोजना र सहयोगको कार्यन्वयनको मुल्याकन समेत गरिने भएको छ ।
यस्तै संयुक्त आयोगको बैठकमा दुई देशका प्रबुद्ध समुहले तयार गरेको प्रतिवेदन सरकार प्रमुखहरुलाई बुझाउने बिषयमा पनि छलफल हुने बताईएको छ । यस्तै दक्षिण एशियाली क्षेत्रीय सहयोग संगठनलाई सक्रिय बनाउँदै शिखर सम्मेलन गर्ने विषयमा समेत दुवै देशको संयुक्त आयोगको बैठकमा छलफल हुनेछ।