काठमाडौं । प्रधानमन्त्री वालेन्द्र शाह भारतको औपचारिक भ्रमणमा जाने भएका छन् । मंसिरको दोस्रो साता उनी भारत भ्रमणमा जाने तय भएको हो ।
तर दिन भने निश्चित नभएको र दुवै पक्षको सहमतिमा तय हुने भएको बताइएको छ । परराष्ट्र मन्त्रालय स्रोतले भन्यो— प्रधानमन्त्रीज्यूले आगामी मंसिर पहिलो सातामा गर्नेगरी भारत भ्रमणको कार्यक्रम तय भएको छ र हामीले त्यसको तयारी थालिसकेका छौँ ।
परराष्ट्र स्रोतले दिन भने यकिन नभएको जनायो । मन्त्रालयको एक उच्च स्रोतले भन्यो— मंसिरको दोस्रो साता उहाँ भारतको भ्रमणमा जान लाग्नुभएको छ र त्यसको तयारी हामीले भारतको परराष्ट्र मन्त्रालयको समन्वयमा सुरु गरिसकेका छौँ । भ्रमणका एजेण्डका बारेमा दुवैतर्फबाट छलफल सुरु भएको स्रोतले बतायो ।
भारत तर्फबाट पनि आगामी नोभेम्बर महिनाको अन्तिम साता वा डिसेम्बरको पहिलो सातामा गर्ने गरी भारतले प्रधानमन्त्री शाहलाई औपचारिक भ्रमणको आमन्त्रण गरेको प्रधानमन्त्री कार्यालय स्रोतले बतायो । सोही बमोजिम नै दुवै तर्फबाट मंसिरको दोस्रो सातामा भ्रमण गर्नेगरी तयारी चलिरहेको बताइएको छ ।
सोही बमोजिम नै परराष्ट्र मन्त्रालय र भारतको विदेश मन्त्रालयका अधिकारीहरूबीच प्रधानमन्त्री शाहको भारत भ्रमणलाई कसरी सफल बनाउने भन्ने विषयमा एजेण्डा सहितको छलफल चलिरहेको पनि स्रोतले बतायो ।
शह २०८२ चैत १३ गते प्रधानमन्त्रीमा नियुक्त भएका थिए । त्यसलगत्तै बालेनलाई भारतका प्रधानमन्त्री नरेन्द्र मोदीले टेलिफोन गरी बधाई दिँदै भारत भ्रमणको निम्तो दिएका पनि दिएका थिए । तर, भारत तर्फबाट औपचारिक रुपमा समय तोकेरै निम्तो नआएकाले प्रधानमन्त्री शाह भारत भ्रमणमा गएका थिएनन् ।
प्रधानमन्त्री शाह भारत भ्रमणका लागि तयार भएपछि दुवैतर्फबाट तयारी नै थालिएको छ । परराष्ट्र मन्त्रालय र भारतको विदेश मन्त्रालयले मंसिरको दोस्रो सातामा पर्नेगरी दुवै तर्फबाट दिन तय गरिएको भएको हो ।
परराष्ट्र मन्त्रालयका एकजना अधिकारी आगामी दशैँपछि लगत्तै विभिन्न मन्त्रालयहरुसँग भ्रमणको एजेण्डका बारेमा आवश्यक छलफल र तयारी बैठकहरु गरिने भएको छ ।
यसअघि पनि प्रधानमन्त्री केपी ओली भारत भ्रमणमा जाने भनेर एजेण्डाहरु तय भएको थियो । तर, गत बर्षको भदौमा भएको जेनजी आन्दोलनका कारण उनको भ्रमण पनि रोकिएको थियो ।
