काठमाडौं । नेपाल प्रहरीको केन्द्रीय अनुसन्धान ब्युरो (सीआईबी) ले अखिल नेपाल फुटबल संघ (एन्फा) का कोषाध्यक्ष रविन्द्र जोशी र लेखापाल संञ्जिब पाण्डेलाई नियन्त्रणमा लिएको छ ।
एन्फा स्रोतका अनुसार उहाँहरु दुबैलाई आज बिहान बयानलाई बोलाएर सीआईबीले नियन्त्रणमा लिएको हो । स्रोतका अनुसार एन्फा अध्यक्ष पंकजविक्रम नेम्वाङलाई गत बुधबार शिक्षा तथा खेलकुद मन्त्री सस्मित पोखरेल राजीनामाको लागि दबाब दिइएको तर नेम्वाङले राजीनामा नदिएपछि उहाँलाई दवाब दिन कोषाध्यक्ष र लेखापाललाई नियन्त्रण लिएको जनाईएको छ ।
स्रोतका अनुसार मन्त्रालयले तयार पारेको राजीनामा पत्रमा नेम्वाङलाई हस्ताक्षर गर्न भनिएको र नेम्वाङ त्यसमा सहमत नभएको स्रोतले जनाएको छ ।
आफ्नो अडानबाट नेम्वाङ टसमस नभएपछि अन्तिममा तीन दिनको म्याद दिइएको स्रोतको दाबी छ । जवाफमा नेम्वाङले एन्फामाथिको विषय अन्तर्राष्ट्रिय फुटबल महासंघ ९फिफा० र एसियाली फुटबल महासंघ (एएफसी) सँग समेत सम्बन्धित भएकाले आफूले तत्काल राजीनामा दिन नमिल्ने जानकारी गराएका थिए ।
फिफाले तेस्रो पक्षको हस्तक्षेप भएको भन्दै जुन २५ देखि एन्फालाई अनिश्चितकालका लागि निलम्बन गरेको छ ।
