अभिनेता खगेन्द्र लामिछानेको डेब्यु निर्देशन रहने सिनेमा ‘पानीफोटो’ को शुभु मुहुर्त गरिएको छ ।
राजधानीको बंगलामुखी मन्दिरमा सिनेमा युनिटले पुजा गर्दै सिनेमाको शुभमुहुर्त गरेको हो । मन्दिरमा खगेन्द्रसंगै अनुप बराल , मेनुका प्रधान लगायत उपस्थित थिए ।
सिनेमा दशक अगाडि गुरुकुलमा मञ्चन भएको चर्चित नाटक ‘पानीफोटो’ को कथामा निर्माण हुन लागेको हो । सिनेमाको एक दिनको छायाँकन काठमाडौं हुनेछ भने त्यसपछि टोली स्याङ्गजा तर्फ लाग्नेछ ।
सिनेमामा खगेन्द्रसंगै सुनिल पोखरेल , अनुप बराल , मेनुका प्रधान , प्रकाश घिमिरे , माओत्से गुरुङ , बुद्धि तामाङ्ग , कमलमणि नेपाल , अशान्त शर्मा , मलिका महत , प्रकाश घिमिरे, श्यामकुमार खड्का लगायतका कलाकारको अभिनय रहेको छ ।
टुकी आर्टस् र मञ्जुश्री सिनेमा प्रोडक्सनको ब्यानरमा बन्ने यस सिनेमालाई रोजिना सिटौला र रविन्द्र बज्राचार्यले संयुक्त रुपमा निर्माण गर्नेछन् ।
