भदौ २७ रिलिज हुने सिनेमा ‘पासवर्ड’ले आफू एसिया, अमेरिका, अस्ट्रेलिया र युरोपका देशमा एकै दिन रिलिज हुने जनाएको छ।
निर्माता अजित के आर थापाका अनुसार नेपालमा भदौ २७ मा रिलिज हुने सिनेमा डायस्पोरामा भने असोज ३ देखि १२ देशका विभिन्न २४ शहरमा प्रदर्शन हुनेछ ।
एक्सन प्रधान सिनेमामा अनुपविक्रम शाही, विक्रम जोशी, सन्नी लियोनी, बुद्दि तामाङ, रविन्द्र झा, प्रविण खतिवडा, धिरेन शाक्य, लिजा सुनार, परि राना, छुल्ठिम गुरुङ, एभरेस्ट सुर्य बोहरा आदिको कलाकारको अभिनय छ ।
सम्राट बस्नेत निर्देशित सिनेमामा अर्जुन पोखरेलको संगीत, सम्राट बस्नेतकै एक्सन, अमरजीत सिंहको छायाँकन र सौरभ लामाको डिओपी छ । निर्देशक बस्नेत र महेश दवाडीको पटकथा रहेको सिनेमाको कथा सिमा गुरुङले लेखेकी छन् ।
