काठमाडौँ । प्रधानमन्त्री बालेन्द्र शाहले ९९औँ एकेडेमी अवार्ड्स (अस्कर)का लागि नेपालको आधिकारिक प्रवेशका रूपमा छनोट भएको चलचित्र ‘तिनीहरू (Elephants in the Fog)’ को सम्पूर्ण टिमलाई बधाई तथा शुभकामना दिएका छन् ।
प्रधानमन्त्री शाहले सामाजिक सञ्जालमार्फत अबिनाश विक्रम शाह निर्देशित ‘तिनीहरू’ अस्करका लागि नेपालको आधिकारिक प्रवेशका रूपमा छनोट भएको उल्लेख गर्दै सम्पूर्ण टिमलाई बधाई दिएका हुन् ।
उनले अन्तर्राष्ट्रिय मञ्चमा नेपालको प्रतिनिधित्व गर्न लागेको चलचित्रको आगामी यात्राका लागि शुभकामना दिँदै चलचित्र अहिले देशभर दोस्रो सातामा प्रदर्शनरत रहेको समेत बताएका छन् ।
अस्करमा नेपालको प्रतिनिधित्व गर्न लागेको ‘तिनीहरू’ले नेपाली चलचित्रलाई अन्तर्राष्ट्रियस्तरमा थप पहिचान दिलाउने अपेक्षा गरिएको छ ।
