काठमाडौं । आज (आइतबार) अपरान्ह ४ बजेका लागि प्रधानमन्त्री शेर बहादुर देउवाले सर्वदलीय बैठक बोलाउनुभएको छ ।
त्यसअघि पाँच दलीय सत्ता गठबन्धनको बैठक बस्दैछ । दिउँसो २ बजे बस्ने बैठकमा संसद्मा जारी अवरोध, एमसीसीलगायत समसामयिक राजनीतिक विषयमा छलफल हुने सरकार प्रवक्तसमेत रहेका सूचना तथा सञ्चारमन्त्री ज्ञानेन्द्रबहादुर कार्कीले जानकारी दिनुभयो ।
सर्वदलीय बैठक अघि विभिन्न राष्ट्रिय मुद्दामा साझा धारणा बनाउन सत्तारुढ दलको बैठक बोलाइएको हो । सर्वदलीय बैठकमा कसरी प्रस्तुत हुने भन्नेबारे साझा धारणा बनाउन सत्ता गठबन्धनको बैठक बस्न लागेको हो ।
