काठमाडौँ । सत्तारुढ गठबन्धनको बैठकमा भाग लिन बालुवाटार पुगेका नेकपा एकीकृत समाजवादीका अध्यक्ष माधवकुमार नेपाल बैठक सुरु नहुँदै बाहिरिनुभएको छ । आज दिउँसो २ बजे प्रधानमन्त्री निवास बालुवाटारमा प्रधानमन्त्री शेरबहादुर देउवाले डाक्नुभएको सत्तारुढ गठबन्धनको बैठक अझै शुरु हुनसकेको छैन । प्रधानमन्त्री देउवा आज ज्यापु दिवसको कार्यक्रममा व्यस्त हुनुभएकाले बैठक सुरु हुन नसकेको हो ।
बालुवाटारमा नेकपा माओवादी केन्द्रका अध्यक्ष पुष्पकमल दाहाल प्रचण्डलगायतका गठबन्धनका नेता प्रधानमन्त्री देउवालाई कुरेर बस्नुभएको छ । आजै बेलुका ४ बजे प्रधानमन्त्री देउवाले एमसीसीलगायतका विषयमा छलफल गर्न सर्वदलीय बैठकको आह्वान गर्नुभएको छ । सर्वदलीय बैठक बस्नुअघि साझा धारणा बनाउन सत्तारुढ गठबन्धनको बैठक डाएिको बताइएको छ ।