काठमाडौँ । नेपाली बजारमा सोमबार छापावाल सुनको मूल्य प्रतितोला ३ हजार २०० रुपैयाँले बढेको छ ।
नेपाल सुनचाँदी व्यवसायी महासंघका अनुसार आइतबार प्रतितोला ३ लाख १९ हजार ५०० रुपैयाँमा कारोबार भएको छापावाल सुनको मूल्य सोमबार बढेर ३ लाख २२ हजार ७०० रुपैयाँ कायम भएको हो ।
यस्तै, चाँदीको मूल्य भने प्रतितोला १० रुपैयाँले घटेको छ । आइतबार प्रतितोला ४ हजार ९७५ रुपैयाँ रहेको चाँदी सोमबार ४ हजार ९६५ रुपैयाँमा कारोबार भइरहेको महासंघले जनाएको छ ।
