काठमाडौं । आजदेखि राजधानी काठमाडौंमा बिजुली बस गुड्न थालेका छन् । भृकुटीमण्डपमा एक कार्यक्रमका बीच उपप्रधान तथा रक्षामन्त्री इश्वर पोखरेलले बिजुली बसको शुभारम्भ गरे । पोखरेलले बिजुली बस शुभारम्भ गर्दै सानो सुरुआती प्रयास भए पनि विकासका लागि यो परिवर्तनको संवाहक भएको बताए ।
बिजुली बसको उद्घाटन गरेपछि उपप्रधानमन्त्री पोखरेल बिजुली बस चढेर टुँडिखेल घुमेका छन् ।सुन्दर यातायात कम्पनीले दुई वटा बिजुली बस सञ्चालनमा ल्याएको हो। यी बस रिङरोडमा सञ्चालन चल्नेछन्। केहीदिनमै थप २ बिजुली बस सञ्चालनमा आउने सुन्दर यातायातले जनाएको छ ।
‘अरु २ वटा पनि काठमाडौं आइसक्यो, केही दिनमै यी बस पनि थपिन्छन्’ सुन्दर यातायातका सञ्चालक सुरेश पोखरेलले भने । यी बस फूल चार्ज गरेपछि २६५ किलोमिटरसम्म गुड्न सक्ने छन्। यसको उच्चतम गति प्रतिघण्टा ६९ किलोमिटरसम्म रहेको छ।
