काठमाडौं । मुलुकको केन्द्रीय बैंक नेपाल राष्ट्र बैंकलाई अब संघीय संरचनामा लैजाने गरी कानूनी व्यवस्था गर्न लागिएको छ । अर्थमन्त्रालयद्वारा संघीय संसदको प्रतिनिधिसभामा दर्ता गरिएको नेपाल राष्ट्र बैंक ऐन, २०५८ को संशोधन विधयेकले केन्द्रीय बैंकलाई संघीय संरचनामा लैजान सक्ने व्यवस्था प्रस्ताव गरेको हो ।
पछिल्लो समयमा राष्ट्र बैंकका अधिकारीहरुले राष्ट्र बैंकका कार्यालयहरुलाई प्रादेशिक कार्यालयको रुपमा रुपान्तरण गर्ने बताउदै आएका थिए । सोही अनुसार अर्थ मन्त्रालयले यस्तो प्रस्ताव गरेको हो । हाल राष्ट्र बैंकका कार्यालयहरु ७ वटै प्रदेशमा छन् ।
अहिले जुनसकुै उमेरका व्यक्ति पनि तोकिएको योग्यतापुर्ण भएमा राष्ट्र बैंकको गभर्नर अथवा सञ्चालक नियुक्त हुन सक्ने व्यवस्था रहेको छ । तर विधयेकले राष्ट्र बैंकका गभर्नरको पनि उमेर हद तोक्ने प्रस्ताव गरेको छ ।
यदि विधेयक पारित भए राष्ट्र बैंकको सञ्चालक वा गभर्नर हुनका लागि अबदेखि ३५ वर्ष नाघेको र ६५ वर्षभन्दा कम उमेरको हुनुपर्नेछ ।