काठमाडौँ । यातायात व्यवस्था विभागले दसैंका लागि असोज ५ गतेबाट टिकट बुकिङ खुल्ला गर्ने निर्णय गरेको छ । यातायात व्यवस्था विभागका महानिर्देशक गोगनबहादुर हमालका अनुसार सबैसँगको छलफल पश्चात बिहीबार टिकट खुल्ला गर्ने निर्णय भएको हो ।
सडक विभागसँग अझै छलफल गरेर बिग्रिएका सडक मर्मत गरी दसैंमा यात्रुलाई सकुशल गन्तव्यसम्म पुर्याउने उनले बताए ।
उनका अनुसार पहिल्यै टिकट खुल्ला गरिदिँदा यात्रुलाई समस्या हुने छैन् । करिब २० लाख यात्रु वर्षेनी दसैंको समयमा उपत्यकाबाट बाहिरिने गरेका छन् ।
