काठमाडौं । प्रधानमन्त्री केपि शर्मा ओली संघीय संसद भवनको शिलान्यास गर्नु भएको छ। सिंहदरबारस्थित संसद भवनमा ठाउँ अपुग भएपछि सरकारले बानेश्वरस्थित वीरेन्द्र अन्तर्राष्ट्रिय सम्मेलन केन्द्रलाई २०६४ सालको पहिलो संविधानसभा निर्वाचनबाट संसद भवनका रूपमा प्रयोग गर्दै आएको थियो।
एक दशकभन्दा बढी समयदेखि संसदको आफ्नै भवन नहुँदा संसद सचिवालयले वार्षिक करिब १५ करोड अन्तर्राष्ट्रिय सम्मेलन केन्द्रलाई भाडा बुझाउँदै आएको छ।
प्रधानमन्त्री ओलीले शिलान्यास गरेको संघीय संसद भवनको लागत ५ अरब २६ करोड रहेको छ ।
