काठमाडौं । फ्रेन्च क्लब पेरिस सेन्ट जर्मेन (पीएसजी) ले स्पेनिस क्लब रियल मड्रिडलाई च्याम्पियन्स लिगमा सहज रुपमा पराजित गरेको छ । समूह ‘ए’ मा बुधबार राति भएको खेलमा घरेलु टोली पीएसजीले रियल मड्रिडलाई ३–० को भारी गोलअन्तरले पराजित गरेको हो । पीएसजीले रियल मड्रिडलाई हारको स्वाद नराम्रो गरी चखाएको हो ।
पीएसजीलाई जित दिलाउन डि मारियाले दुई गोल गरेका थिए भने थोमस म्यानियरले एक गोल गरेर जित हात पारेको थियो । खेलको १४औं र ३३औं मिनेटमा डि मारियाले गोल गर्दै पीएसजीलाई २–० गोलको अग्रता दिलाएका थिए ।
पहिलो हाफसम्म २–० गोलअन्तरले अघि बढेको पीएसजीका लागी दोस्रो हाफमा थोमस म्यानियरको थप एक गोलले खेललाई अन्त्य गरेको थियो । थोमस म्यानियरले खेलको अतिरिक्त समयमा गोल गरेका थिए ।
