काठमाडाैँ । नेपाली कम्युनिष्ट पार्टी (नेकपा)का सांसद नरबहादुर बिष्टले सुनसरीलगायत मधेुका जिल्लामा भएका हिंसात्मक घटनामा सरकार जिम्मेवार रहेको अरोप लगाउनुभएको छ ।
शुक्रवार राष्ट्रिय सभाको बैठकमा बोल्दै सांसद बिष्टले यस्तो आरोप लगाउनुभएको हो । उहाँले गृहमन्त्री सुधन गुरुङ स्वंय पीडित परिवारसँग सहमति गर्दै हिँडेको भन्दै आपत्ति समेत जनाउनु भयो ।
उहाँले प्रमुख जिल्ला अधिकारीमार्फत गर्नुपर्ने काम गृहमन्त्रीले आफैँ गर्नु वााञ्छनीय नभएको बताउनु भयो । मधेस प्रदेशका विभिन्न जिल्लाहरुमा भइरहेका घटनाहरु सरकारको गम्भीर कमजोरीको परिणाम भएको उहाँको भनाइ छ । सांसद बिष्टले सरकारले सामाजिक सञ्जालमार्फत सार्वजनिक गरिरहेका अभिव्यक्तिले जनतामा थप निराशा पैदा गरेको आरोप पनि लगाउनु भयो ।
उहाँले भन्नुभयो, ‘गृहमन्त्री अहिले पनि प्रदर्शनस्थलमा हुनुहुन्छ । उहाँले पीडित परिवारसँग सात बुँदे सहमति गर्नुभएको छ । यो दुर्भाग्य कुरा हो कि सिडिओ कार्यालयका सिडिओले समझदारीमा हस्ताक्षर गर्नुपर्ने ठाउँमा गृहमन्त्री आफैं सहमति गर्दै हस्ताक्षर गर्दै हिँड्नुभएको छ । आफैंले हिंसा बढाउँदै हुनुहुन्छ । आफैं धामी आफैं झाँक्री भने जस्तो । मधेशमा जुन खालका घटनाहरु भइरहेका छन् यो सरकारको गम्भीर कमजोरी हो । सरकारले फेसबुकमा जुन खालका स्टाटसहरु लेख्दैछ । यसले जनतामा झन निराशा पैदा गरिरहेको छ । सरकार आफैं गोली चलानउने अनि आफैं क्षतिपूर्ती दिने जुन खालको काम भएको छ यो भत्र्सनायोग्य छ ।’
सरकारले एकातिर गोली चलाउने र अर्कोतर्फ आफैँ सहमति गर्दै हिँड्ने कार्य भत्र्सनायोग्य भएको सांसद बिष्टको भनाइ छ । –न्युज एजेन्सी नेपाल
