काठमाडौं । सभामुख डीपी अर्यालले प्रतिनिधि सभाको बैठकलाई थप प्रभावकारी, मर्यादित र परिणाममुखी बनाउने विषयमा विभिन्न राजनीतिक दलका नेताहरूसँग भेटवार्ता गर्नुभएको छ।
सभामुख अर्यालले प्रधानमन्त्री बालेन्द्र शाह तथा नेकपा (एमाले) का संसदीय दलका नेता रामबहादुर थापासँग छुट्टाछुट्टै भेटवार्ता गर्नुभएको हो। त्यसैगरी, उहाँले विपक्षी दलका नेता भिष्मराज आङदेम्बे तथा नेपाल कम्युनिष्ट पार्टीका नेता वर्षमान पुनसँग पनि मंगलबार छुट्टाछुट्टै भेटवार्ता गर्नुभएको थियो।
भेटवार्ताका क्रममा प्रतिनिधि सभाको बैठकलाई प्रभावकारी, मर्यादित र परिणाममुखी बनाउने तथा संसद्को कामकारबाहीलाई थप व्यवस्थित बनाउने विषयमा छलफल भएको जनाइएको छ।
यसैगरी, सभामुख अर्यालले मंगलबार नै विभिन्न राजनीतिक दलका प्रमुख सचेतक तथा सचेतकहरूसँग पनि छलफल गर्नुभएको छ। छलफलमा प्रतिनिधि सभाको कार्य सञ्चालनलाई थप प्रभावकारी बनाउने तथा आगामी बैठकका कार्यसूचीलाई व्यवस्थित ढङ्गले अघि बढाउने विषयमा विचार आदानप्रदान भएको थियो।
सभामुख अर्यालले संसद्मा दलहरूबीच सहकार्य र समन्वय कायम गर्दै प्रतिनिधि सभाको कामकारबाहीलाई प्रभावकारी बनाउन राजनीतिक दलका नेताहरूसँग भेटवार्ता गर्नुभएको बताइएको छ।
