अस्टिन/ टेक्सास: नेपाली कांग्रेसका संस्थापक नेता तथा नेपालका प्रथम जननिर्वाचित प्रधानमन्त्री स्वर्गीय विश्वेश्वरप्रसाद (विपी) कोइरालाको ४४औँ स्मृति दिवस अमेरिकाको टेक्सास राज्यको राजधानी अस्टिनमा आइतबार मनाइएको छ।
नेपाली जनसम्पर्क समिति अस्टिन च्याप्टरको आयोजनामा भएको कार्यक्रममा विपी कोइरालाको लोकतान्त्रिक विचार, राजनीतिक योगदान र नेतृत्वबारे चर्चा गरिएको थियो।
जनसम्पर्क समिति अस्टिन च्याप्टरका उपाध्यक्ष टुकप्रसाद चापागाईंको सभापतित्वमा सम्पन्न कार्यक्रममा नेपाली जनसम्पर्क समिति अमेरिकाका उपाध्यक्ष सिपी पौडेल, गैरआवासीय नेपाली संघ (एनआरएनए) समन्वय परिषद् अमेरिकाका उपाध्यक्ष प्रदीप चौलागाईं, ग्रेटर अस्टिन नेपाली समाजका अध्यक्ष पदम ठकुराठी, स्थानीय बुद्धिजीवी दीपक हुमागाईं, शम्मु दवाडी तथा झरना अधिकारीले विपीको व्यक्तित्व, लोकतान्त्रिक आदर्श र राष्ट्र निर्माणमा उहाँको योगदानबारे विचार व्यक्त गरेका थिए।
कार्यक्रमको सञ्चालन संस्थाका महासचिव तिलक भण्डारीले गरेका थिए।
